اقوى قصيدة قريتها في غدر الصاحب

ياجاحد جودي وش اللي مني جاك ,
ياناكر المعروف وش له ملامك

لا ياقليل الاصل من غيري اهداك ,
قلب الصديق اللي اهتمامه اهتمامك

كثير من مثلك وسوّا سواياك ,
تغدر بمن كانوا فـ يوم حزامك

وكثيـر من مثلي ترفّع وخلاك ,
ينسى ولا يذكر خطيـّة كلامك

ماهو عشان الخوف لا واللي سواك ,
ومانيب احاتي يوم تقطع سلامك

لكن الا من صرت عاليك وأعلاك ,
ملزوم اشوم النفس وانسى كلامك

عالي مقامي فوق آخرها سماك ,
وأدري بأني مبتغاك ومرامك

خذها نصيحه التزم حدّك هناك ,
وإقصر خطى الشر واحترمهم عمامك

منقول